هموم هريدي ....
🐜(3) يا عنكبوت الموت
لم غزلك يا عنكبوت
إللي فارده عالصواري
وفي الحواري والبيوت
لم خيوطك عايز أفووت
🏡 لا دي أرضك ولابستانك
ولا أنت إللي باني البيوت
مش عايزة ستاير حنانك
لسه مفتوح شباكها
طاله ع الدنيا بسمارها
لم غزلك.......
البيوت مش ناقصة موت
🐜أنا إللي أعرفة إن مراتك
بتقتلك عشان تعيش!!!
من نفس السم تحقنك..
عشان تموت....
وأنت بتغزلي الكفن!!
🏇 مين إللي قلك هادفن؟...
ولا عايز أموت...
🌻 أنا طاالع بالشمس ألم غزلك
لا عايز ضلتك ولا غاوي سترك
لم غزلك مش هاموت.....
🏇 هات المنافض يا ولد
وإنفض بلد رفضت تموت.
سبع تلاف سنة.....
نيلها بيجري بالحياة
يفيض يفييض ويرجع يميل
زي ليل طويل....
يطلعله النهار...
يغسل عيونه من ضلامه
ويفتح شبابيك البيوت
🏇لم غزلك يا عنكبوت
من عالحيطان والبيبان
إللي سبع تلاف سنة...
واقفة قدام الزمان
لانحنت ولا العظم لان.
🏇 سبع تلاف سنه.....
الريح ما كشفت توبها
ولا الفيضان دوب حيطانها
محفوظة ومنصورة.....
ومستورة بستر المولى واهبها.
🏇 سبع تلاف سنة
مكسية بسمارها
بتبني للعالم حضارة
تتهد مناره تبني هرم
سبع تلاف سنة....
بتزرع في السكون الصوت
وتزرع الوادي بالنخيل والتوت
وكل يوم بتجيب ولد
عضمة ناشف ولا النبووت
🐜 يا عنكبوت الموت
لم غزلك عايز أفوت .
رحم الله الشهداء....
إسماعيل هريدي 2017/11/24
ليست هناك تعليقات:
إرسال تعليق