انابيش طملاي
ملحمة حب
من حلاوة الروح بروحلك*بلتقيكي خيال وابوحلك
هل انا اللِ سكنت قلبك*لسه حاضناني بحبك
واللا يعني خلاص نسيتي*معتش بيتك هوبيتي
واختلفنا فيوم مشيتي*وتقابلنا خيال وجيتي
واعتذرت عشان بحبك*والتقيني ازاي بروحلك
مش بإيدي غصب عني*لسه عايشه جوه مني
أيوه شوقي بيغالبني*ليه خيالك بيعاتبني
لما انام واشتاق إليكي*ألقى روحي بتناجيكي
في المنام. انا روي فيكي*يااللي وحشاني عنيكي
غصب عني عشان بحبك*من حلاوة الروح بروحلك
لما بصحى بتوه فبالي*ماانتي سكناني فخيالي
أندهك وأأول تعالي*يختفي طيفك ليالي
أنتبه واتوه واحبك*من حلاوة الروح بروحلك
اكتبك فكلام أغاني*واعشقك من تاني تاني
قصة تتجدد أماني*كل لحظة بدوب واعاني
ضحكتي فدموع عيوني*لسه وخداني شجوني
دمعتي صرخه فجفوني*كل أناتي حنيني
غصب عني نفسِ اقابلك*من حلاوة الروح بروحلك
هي دي كل الحكايه*ملحمة ملهاش نهاية
عشتها وعاشت معايهْ*ذكرى أيامي وشقايهْ
قصة مكتوبه في شعري*قلتها واديتها عمري
لسه ياما هقول يا عمري*لما اموت والعمر يجري
غصب عني هقول بحبك*من حلاوة الروح بروحلك
د. ممدوح نظيم طملاي في 22/ 11/ 2017
ليست هناك تعليقات:
إرسال تعليق