يا مصري لا تحزن
ولا يتقل عليك الهم
أصلك نبيل وعالي
متركب من صخر الهرم
ياااما عديت زوابع
لا تتهز ولا تتهدم
يا مصري شد حيلك
متسلمشِ يوم للألم
عضمك وتد وثابت
مغروز في تاريخ الأمم
ولحمك فول ونابت
لا يِتاكل ولا يِتهضم
راااحت وجااات عليك
أكبر دول وأكتر محن
لا إتغلبت ولا إنتهيت
ولا سلمت في يوم علم
يا مصري قوم وعافر
متسلمشِ يوم للغم
تموت قتيل تموت مدبوح
أسمك مكتوب بدم
شهيد عطرك يفوح
والمجرمين رِممْ.
يا مصر شجرك طرح
سجاد الصلاه وحبْ السبح
وكل بنزِف شهيد
وكل يوم نَاصبين فرح
سامحوا أم الشهيد
لو قالت كلام يجرح
مدبوحه بميِت سكين
معذوره......
خطف الولد يدبح
وباركوا لابو الشهيد
وقلولو أبنك نجح
وفاز باكبر شهاده
في الجنة لقى مطرح.
ومتعزوناش في شهيد.....
دي موته نتمناها
أكيد طبعاً..... حُسن الخِتام يِفرح
......
رحم الله الشهداء ......
إسماعيل هريدي 2017/11/28
ليست هناك تعليقات:
إرسال تعليق