(حدد تمنك)٥٧٤
حدد تمنك. انت بكام
وبافعالك . انت تحدد
انت نسمه. ولا غيام
ولا للمصلحه . تتودد
ولايبقي خساره سلام
ولاضمير يقدم وتجدد
يوطي.ويعلي سهم وبورصة
تعلي يبقي ماشا الله عليك
تنزل تبقي فضيحه وجورسه
ودمعك يبقي. غالي عليك
اصل العقل لو عمره ماصانك
خانك ونسي يحدد لمكانك
تبقي فارس. و مع الفرسان
ولا تكون. تحت حصانك
تنزل واقف لو فيه نزول
تقف راجل. و شده تزول
وقت الجد. شهم وراجل
وقت الحق. تصبح غول
خلي لقولك. عيار وميزان
خلي عودك صلب وزان
عاير كيل. خليك وزان
والغوله تقولها عينك حمرا
دون تفكير ولا استأذان
صون للفعل والمفعول
قدر كلمه. ووزن قول
قدر كل الناس تتقدر
واوعي تبيع وللفعل تهدر
تفضل حافظ عرض وطول
صون العشره. واوعي تهون
جميل ف رقبتك حافظ صون
واحفظ كلمه و قدر موقف
جوا ف قلبك واوعي تخون
اوعي ترخص. نفسك مره
ف دايره راجل ما تطلع بره
يعلي ويعلي شانك ومقامك
خلي عيارك نانو. و ذره
اوعي تسيب لغيرك يتمن
قول للحق. ونام واطمن
هاتعيش . عمرك بس لمره
وتسيب ذكري
و يتقال. بكره
كان ع حق وعمره ماخمن
وقبل ما قولك باي وسلام
حدد تمنك.... انت بكام!!!
بقلم/محمود عفيفي دومه
ليست هناك تعليقات:
إرسال تعليق