معدوم الدخل. بقلم / احمد شاهين
دخلك كام؟
تقدر كدا
تعتبره. مفيش
ما انت صنايعى
ايوه صنايعى
لكن فين الشغل؟
مفيش
وحدك دايم
فى التهميش
كنت فى يوم
محدود الدخل
طب دلوقتى
الدخل مفيش
دايما ماشى
جيوبك فاضيه
كتت ملاكم
خدت القاضيه
مانتاش لاقى
لقمة عيش
وققوا فى بلدك
اى مبانى
يعنى تموت
يا تعيش بتعانى
اكلك ملح
ولبسك خيش
وحدك دايم
فى التهميش.
مين هايحس
يا صاحبى بحالك
اكلك. شربك
لبس عيالك
ولا منين هتلم
ايجارك
وانت يادوب
بالكاد بتعيش
واحنا يا صاحبى
فى عهد كورونا
حتى خروجتك
مش مضمونه
خليك واقف
فى البالكونه
ولا. اقولك
خلف الشيش
يعنى تنام وتموت
م الجوع
والغلبان صوته
مش مسموع
يغرق وحده في
بحر دموع
ولا طبطبوا ولا
قالوا بشويش
وحدك دايم
فى التهميش
نفسى احس فى يوم
بعداله
يعنى صنايعى وفوق
سقاله
يصبح عايش زى
عواله
حالته يا عينى فى
اصعب حاله
مهما بيسأل قالوا
مفيش.
وحدك
دايم
فى
التهميش
كلمات / احمد شاهين
ليست هناك تعليقات:
إرسال تعليق