لو كان نعرف الحبيبة تهني
نمشيلها متعني
نعيشو سواء طول الحياة متهني
نعيشو حياة هنية
تكون السعادة دوم ليها و ليا
و اليوم هاني خيالها مستني
وقتاش نفرح يوم بيها هي
و تكون سندي على هواها نغني
و تكون هي سندي
و الغالية غلاوة محبة عندي
و نكون انا حبيبها و الجندي
و هي العشيرة الصادقة في ظني
و هي العزيزة الغالية الي عندي
و طعم السعادة يكون الا مني
و نكون سبب افراحها
تكون مركبي و نكون نايا شراعها
و بيا اطيب محونها و اجراحها
و ما نكونشي بالزور فيها نمني
وقت الشدايد نا نكون ذراعها
و هي العروسة في الكفوف تحني
و تكون هي عروسة
في وسط قلبي محصنة محروسة
و نتبادلو لبسة جمال الخوصة
حتى المصور جايبو متعني
و نتبادلو البوسات بوسة بوسة
على انغام فن الحب لينا يغني
و لحظة دخولي بيها
نحس الهناء و الفرش ليا و ليها
بعطف و حنان نشدها من يديها
و ترتاح في لحضان و اطمني
تذوب الشفايف مالعسل نرويها
و هي بعمق احساسها تحضني
كلمات هالة العويني 
ليست هناك تعليقات:
إرسال تعليق