بعض كلمات رثاء لأبي أرجو ان توفي قليلأ من كثير دينه علي
بعنوأن /أبويا شيخ ألقبيلة
بقلمى /عمرو ياسين
الدوله /مصر
{أبويا شيخ ألقبيلة}
أنا أبويا شيخ ألقبيلة
أبو الحكاوى الجميلة
لسيرته رافع رأسى
لو يذكر اسمه في ليلة
علمني معني الرجولة
قصص الشهامة الجليلة
أبويا شيخ القبيلة
وقولت يابا وصية
يعني هي جت عليا
بتوصي في ناس كتيرة
ضحك كتير وقالي
لابد تفضل تملي
شيال هموم ...ده أساس
قلبك ماليه الاحساس
تراضي كل الناس
تجبر قلوب كسيرة
أبويا شيخ القبيلة
تملي تمشي في خير
مش بس ليك...للغير
ماهو يابني سيرة فلان
تعلا بأفعاله الجليلة
خليك عفيف اللسان
ومتصحبش ندل ...جبان
للعشرة مش صيان
أفعاله ديما مش أصيلة
أبويا شيخ القبيلة
تملي يا بني تبان
بمقام كبير متصأن
وأياك تعيش متهان
قصاد صليط اللسان
أو مدعي إحسان
وراه بلاوي كتيرة
أبويا شيخ القبيلة
صاحب أصيل بيجود
تملى يوفي بوعود
واللي يعدي كل الحدود
الغلطه تبقي كبيرة
إثأر لنفسك وأصلك
ياما عملت بأصلك
ونسيت مواقف مريرة
أبويا شيخ القبيلة
وإن شئت أنسى وسامح
أصيل ...رفيق المسيرة
بس الأسف عنوان
وجوه في عينه هيبان
علشان تعيش فرحان
ماتكونش نفسك ذليلة
أبويا شيخ القبيلة
ودي وصيه جليلة
شيلهالي يابني جميلة
تملي تعمل عمايل
تعيش سنين طويلة
وادعي لصاحب الوصية
ادعى لشيخ القبيلة
........ .........
بقلملى /عمرو ياسين
الدوله /مصر
بعنوان/ابويا شيخ القبيلة
[رحم الله أبي وأمي]
بعض كلمات رثاء لأبي أرجو ان توفي قليلأ من كثير دينه علي
بعنوأن /أبويا شيخ ألقبيلة
بقلمى /عمرو ياسين
الدوله /مصر
[{تم التصحيح لغويا بواسطة }]
<(الاديبه الراقيه والشاعره المميزه)>
([{ أ/منى بنهادو}])
ليست هناك تعليقات:
إرسال تعليق