طريق حياتي دخان يا حياتي
طريق حياتي كشف لي ذاتي
كان نفسي أجمع نيلي وفراتي
كان نفسي أجمع البيت دا كله
فــ ساعة واحدة تظبط ساعتي
ركز معايا ألوان كتيرة بعديها زلطة
فتحت دماغي غلبان يا طفلي
تصرخ تغاغي سلطاني قالي
اوعاك تلاغي ..حلمك دا لاغي..
عيزك تملي تفضل تجلي ..انسى اللي عندك خدر وعلي.. شم الراويح من غير فضايح وردي وفلي.. وأنا كنت رايح لدنيا تانية تايهه الملاح كان إيه حاصلي كان نفسي أنسى فقري وذلي .. أنت اللي ظالم لو أنت فاهم دول كلمتين الأقصد منهم أفش غلي ..
مقامه عالي حاطط في جيبه نفيس وغالي كرباجه ناري لعيب أتاري راكب فراري.. غلب حماري يمشي فوقي وأنا تحت أرضي غطاس مجاري ..
قرصان سفينة .. شد السرينة ضرب وقالي بالمر حلي.. البحر ليهم الموج حاميهم ساكن مارينا وأنا واللي زي الخوف عمينا..
ظالمة الماسعي احتل بيتي حية وأفاعي سارق متاعي لبن مراعي خط دفاعي حول نشاطه انتاج زراعي .. لحد امتى هفضل أهاتي خدت نصيبي دخان يا حياتي.
// عبدالله النجار
ليست هناك تعليقات:
إرسال تعليق