.......... صباح الخير......
صباح الخير
على غزه على ناسها
ابوس وامسح على راسها
ياارض وجنه في الملكوت
ياهزه العرش للكهنوت
ياضي الشمس فين ماتفوت
ياحلم قلوبنا مش هاتموت
صباح نادي
على ولادي على اخواتي
على الجرح اللي بيهاتي
على غزه اللي بتنادي
على الملايين
صباح الفل ياورده
ياياسمينه
يامركب يالا عدينا
على البساتين
صباح من قلب
عشاقك. بنشتاقك
يوماتي كتير
ياماليه الدنيا بوجودك
يامحلا اللحن من عودك
ياواخده قلوبنا وياكي
يامحلاكي
صباح الخير على عيونك
ياشايله الحمل فوق ضهرك
ودمك هوا دا مهرك
صباح الخير على غيطانك
على العصافير على القدس
اللي عمره اسير
صباح الخير ياأجمل صوره
في التصاوير
صباح شايل
في حضنه النصر
بحق ياسين وسورة العصر
لتفضل غزه بولادها
في قلب القصر ..............
اشرف الشناوي
شاعر عاميه
البرامون
المنصوره
ليست هناك تعليقات:
إرسال تعليق