قالوا جحا
أولى بلحم طوره
إن كان له طور
قلت أنا
يغور جحا
وأى حاجة
من ريحته تغور
جحا فيلسوف زمانه
سابق عصره وأوانه
حيطة
واقف ثابت مكانه
ينط من فوقيه جيرانه
ويفضل طول عمره سور
يغور جحا
وسنين جحا تغور
جحا
كان ماضى وولى
نقرأه عشان نتسلى
لكن عمره ما فى يوم
بنا وعلى
فى عمارة المجد دور
يغور جحا
وسنين جحا تغور
إللى يطلب الريادة
لازم يكون صبور
العمل أفضل عبادة
والعلم أخره نور
وأبقوا إشربوها سادة
على روح المذكور
روح جحا وطوره
إن كان له طور
ليست هناك تعليقات:
إرسال تعليق