الناس متغيرين .. أغنيه / رضا الحسيني
الناس متغيرين
وقلوبهم على وشين
تراعيهم بالسنين
تلاقيهم غدارين
يزيدك غدر حبه
ويفوتك وانت حزين
الناس متغيرين
***
قد ماتقدر فوت الناس
ماتصدقش كلام وخلاص
مهما تقدم من إحساس
مش هتلاقي كده إخلاص
قلبك واحد م اللي فاتوه
بعد ماغدروا بيه وخانوه
شوف عالسكه كم مسكين
بيقول الناس متغيرين
******
الناس على الورق حلوين
يكتبولك من بعيد كلمتين
يبعتولك قد إيه مشتاقين
وبعدها تتنسي انت مين
الناس كده ورق بيطير
والشجر عايش بعده كتير
ونقول مستغربين
الناس متغيرين
ليست هناك تعليقات:
إرسال تعليق