محتاج يادنيا ترجعي لينا الزمان
محتاج لحبة صدق مع حبة إيمان
محتاج لحبة حب مع حبة حنان
محتاج لحبة ود يرجعو اللي كان
معزوف يادنيا عن العالم
اشتاقت بيبان البيت للخبط
اللي بيسمع الجيران
محتاج لهيصة العيال
خصوصا لو فيهم زعلان
محتاج للمة الطبلية
و انا فاتح البيبان
محتاج لنومة القش
فوق السطح و افضل سرحان
مشتاق لزفة خيل جوه الميدان
مشتاق للمة حبايبي
و انا بيهم فرحان
مشتاق أشوف العجين
في البيت خمران
مشتاق لخبيز البيت
و أبوري بيسيل منه السمن سيلان
و صواني محطوطة في الفرن
و ندعي كل الجيران
مشتاق للمة صحاب
مالقلب الضحكة و الروقان
وأدامنا القصب عيدان
وأبويا شايل في حجرة الخير
مهما كان تعبان
و الكل عليه يجري
حتى ولاد الجيران
الدنيا كانت بسيطة
مافي حد مالفكر حيران
و اللقمة كانت هنية
ما في حد يقوم جعان
و مية الزير سلسبيل
لا في تلاجة ولا كولمان
و الشاي على الصينية يدور
وقعدة في الشارع مع الجيران
مافي يوم نشيل الهم
و لا يوم أبات قلقان
(((أسامه جديانه)))
ليست هناك تعليقات:
إرسال تعليق