هدية رب السموات
...............................
ولدت مرتو جابت بنت
افترت عشفافو الضحكات
بالفضا أطلق بالجفت
بقدومك نورتي البيت
وضويتي كل الشمعات
من الفرحة بكيت وصليت
وبالسما ضحكوا النجمات
..................
ملا كل الدنيا زهور
وعلقلا أحلى الزينات
اجتمعوا الأحبا بالبيت
كل الخالات والعمات
من الفرحة صار قلبو يطير
وقال اللي خلف ما مات
المولود صبي ولا بنت
هدية رب السموات
..................
وإما قالت يا فرحتنا
بهالبنت المتل الوردات
بدنا نكبرها نعلمها
وتاخد أكبر لشهادات
بدنا نربيها بحنية
ونشوفا ست الستات
وضحكت من قلبا وقالتلا
يا زينة كل الحياة
.................................
ملك محمود الأصفر
ليست هناك تعليقات:
إرسال تعليق