وينو الزيت
وڨفوو زوز عند العطار
لثنين يحبو على الزيت
واحد متكدر محتار
ولاخر يكالي فيه الحيط
وجهو أزرڨ كالزنزار
تنهد و ڨال راني عييت
ڨطرة ما ثما في الدار
وصغاري شاهين فريت
وأنا شاهي فلفل حار
ورڨاق طايب في البيت
لآخر ڨلو فكري ٱحتار
عندي مدة ما تغديت
وفي جاشي شعلت النار
شاهي مقرونة ڨرابيط
تكلم من غادي العطار
ڨلو يا ريتك ماجيت
مضمض نا كيفك محتار
ونڨلك لو كان نسيت
الدبو عشش فيه الفار
و الرتيلة والفرزيط
و هاني نڨولهالك جهار
أرجع غدوة لو حبيت
لكن راو نفس القرار
لا ثما ولا عندي زيت
هاني نعاني في الدمار
تكويت وما ڨلت اااحيييت
حنان بشير العلوي
صور Elhay Yrawah
ليست هناك تعليقات:
إرسال تعليق