ثلاثية الأسرة السعيدة
( رباعية أعمال متكاملة تنشر معا)
(1)
هى وهو
ما تشوفيه نغشيه ولاعبيه
واتبسمى واظهرى الفرحة
ولما تشوفها افرد بوزك وفك
تكشيرتك وافرد السحنة
لما تقابليه قولى اهلا حبيبي
نورت وشرفت لك وحشة
ولما تشوفها خدها فى حضنك
ضمها بمودة وبرحمة
لو تزعلوا اختلفوا بس بهدوء
بالراحة وبعقل وبحكمة
وراعوا مشاعر بعضكم واحفظوا
الود وابقوا على العشرة
وفى النهاية هترجعوا لبعض طب
ليه الخناق والفرقة
(2)
بنت ناس
بنت ناس اخترتها تشاركك حياتك
حافظ عليها
كبروها وعلموها وجهزوها ودها
واحسن اليها
ربنا قال اكرموها يا كرام والرسول
وصى عليها
لية تسئ لها في المعامله ليه تهنها
وانت راعيها
افتكر الفظاظة من الغباوة والقساوة
بكرة تعانيها
القوامة مش بالاهانة ولا دى رجولة
وانت حاميها
ودها واخلص لها وشيلها في عينك
وحس بيها
فتح بيتك شايله همك وام ابنك
بوس ايديها
صون مقامها بين جيرانها وعزها
اوعى تعاديها
نسمة باردة وشمعة قايدة منورة
ضلل عليها
ابتسم وبكلمة حلوة اجبر خاطرها
واشتريها
(3)
دلعيه
جوزك يا بنتي دلعيه حقه عليكي
تبسطيه وتدلليه
خديه في حضنك احتويه بالحنان
والأمان حسسيه
على طول في وشه ابتسمي ليه
تعقديه وتنكديه
خليكي ناعمة في التعامل بالود
وبحنانك اغمريه
بالمشاكسة والخناق وبالمكابرة
والعناد هتخسريه
برقتك وحنيتك وبالمسايسة
تملكيه وتفوزي بيه
حقك تعاتبي وتشتكى بس
اختاري امتى تكلميه
خلى الخلاف بينك وبينه سرك
في بيتك احفظيه
وحافظي علي علاقتك بعيلته
بودهم ليه تحرجيه
ابو العيال راعي وصاله يحفظ
مقامك لو تحفظيه
يا بنتي ايه اخر النكد هو انت
لازم تقرفي وتقرفيه
من الآخر دلليه
وهننيه
ودلعيه
وانت فى الاخر هتكسبيه
(4)
سر بيتك احفظيه
أحفظوا أسرار بيوتكم ليه
تخلوها في كل بق لبانة
تزعلي من جوزك تجري
على الفيس تحكي الحكاية
ليه تخلي الجميع يعرف
حكايتك من البداية للنهاية
اللي تشتم واللي تشمت
والتالتة هتزيد فى الرواية
والبشر يتسلوا بحكايتك
وتبقي مسخرة وآخر هيافة
الخلاف بينكم يوسع وتخرب
بيوت مفتوحة وعمرانة
الأمور تتحل ما بينكم انما
في العلن جرسة ومهانة
نشر أسرار بيتك يا هانم
جناية وجريمة وقلة رباية
الشاعر عبد المنعم حمدي رضوان
ليست هناك تعليقات:
إرسال تعليق