ــــــــ عروسة البحر ــــــــ
عارفه الفطرة اما تكون لله
والقلب النابض بيها
يخليها ف حضنه
ويعمر بيها حياه
ياسلام ع الفطره
أما بتجمع قلبين
والروح بتخاف ع الروح
لو صابها أنين
وحنين العين للعين
لو تاهت في المسافات
وانا وانتي اتنين
مالناش في اللقيا نصيب
لكن أرواحنا اتلاقت
في فضاء الله والواسع
وبيحكوا لبعض حكاوي
عن حلم اخضر ونبت
وبيطرح لسه حنين
زي السجر الضارب جدره
فـي سـابع أرض
وف سقف السما بيمد غصونه
وبيملى براح الكون ألوانه
وأدانه بيروي غيطان التوت
انا حلمي خيوط
مغزوله عشانك بس مشاعر
متعانه ف حضن الليل التايه
والليل سراديب
بيخاف من أي خيوط للنور
مستني إيديكي تخبط
وتهدي السور / فيطير مسحور
وبألف جناح هايلف الكون
ويعدي عشانك أعتى بحور
عروسة البحر المسحوره
هاتعوض عمري الفايت
وهاتملى العمر الجاي بالنور
ـــــــــــــــــــــــــــــــــــــــــ
بقلـمي الفلاح الفصيح
مـعـوض حلــمي علـي
منــــــــشأة بطـــــــاش
تمي الأمـديد / دقهليه
ليست هناك تعليقات:
إرسال تعليق