عصفور الكناريا
عصفور جميل من نور
كائن حر و جسور
أبيض تمام زى الطيور
يشبه بنات الحور
ملاك من فانوس مسحور
قلبه شفاف بلور
عيشنى ف جنة
عنيه أحلى دنيا
حياة عمرى هوه
وروح قلبى من جوه
لما يبتسم تضحك الدنيا
ولو بكى!!يرج قلبى ف ثانية
جنة أيامى ف أحلامى
ضحكتلى بيه أيامى
شقاوة الدنيا ف عنيه
ملامحه. ضحكته. لمسة اديه
مد لى اديه بفرحة
ضميته ف حضنى فى لحظة
ارتحله. قلبى بعد لهفة
دنيتى خلاها دنيا
فرحتى رسمها ف ضحكة
ضحكة م القلب هله
فرحة من نور لبسمة
عصفور بيطير ف لمحة
رقيق القلب لسه
قلب اخضر بينادينى
أرد ف ثواني
نعم !!يا نور عينى
دا اناأفديك بروحى
يا نن عينى
دا انته شافك قلبى قبل عينى
ولوبعدت لحظةيا عينى عليه يا عينى
اتجنن لو ملقتش نور عينى
الحكاية أن نبضه بيحيى قلبى
وبياخدنى من كل همى
ويسقينى فرح عمرى
بسمته فرحة شبابى
هوه أهلى دنيتى اجمل صحابى
ينادينى !! انتى فين ؟؟
ماما وحشتينى
أرد. انا هنا تعالى يا نور عينى
تعال بسرعة. متغبش عن عينى
دا الدنيا من غيرك ما تحلا فى عينى
عصفورى الجميل إلى بينور ليلى
عصفور من نور بيطير ف السما
عاشقه روحه لأبعد سما
ابنى من دمى دا كان يوم المنى
لما لقيته قدامى شفت الهنا
عصفور جميل بيرفرف ف الخلا
هوه أحلامى دا كلى أنا !!
هوه دنيا عمرها غالى
هوه ضحكة قلبى فى العلالى
هوه روحى إلى جابها ورد هالى
هوه فرحتى وكل آمالى
دقة قلبى وبهجة أيامى
كل دا ابنى حبيبى الغالى
بادعيلك يا رب فرحتى خلهالى
واحرسهولى دا عمرى الغالى
يا رب أحمدك لرحمتك
دا هوه الدنيا وهبتهالى
بقلم الاديبة
ايمان الشخيبى
ليست هناك تعليقات:
إرسال تعليق