سوق الدنيا.
بقلمي عبدالله رجب ابوعدنان
نزلت سوق الدنيا اشتري ولا ادوق
لقيت الهم مطحون للي عايز يدوق
حتى الدم ما عادش احمر
الجسد واقف متخشب و متسمر
والطيب زي المتنمر
دم ازرق وباين من العروق
اتاريني نزلت بحر الهموم
صفار الوش واضح ومعلوم
يدوبك الرزق يوم بيوم
وع الجبين الأسى مرسوم
ساعتها حسيت اني غريق
ف سوق الدنيا الكوسة سعرها عالي
وفية شعر محظوظ مرفوع طوالي
وشعر موكوس لما الحظ عمره ما ندالي
وانا اللي كنت فاكر نفسي ف الشعر
عديت مشوار وحدود الصبر
طول عمري غشيم ف الحساب والجبر
وبنيت من زمان هناك قبر
وعرفت إن نهاية دا كلة متر
أتعب روحي لية واعيش مخنوق
سوق الدنيا.
بقلمي عبدالله رجب ابوعدنان
ليست هناك تعليقات:
إرسال تعليق