( مُتّهم )
لمّا الجميع أخلّص في تمثيل البراءة
ظنّيت بجد بإني فعلاً مُتّهم
من كُتر يعني ما عاشوا دورهم وبجراءة
أصبّحت تايه بين وجودي والعدم
دفنوا الحقايق كلها تحت التراب
كل لمّا أحاول يعني إنّي أوصلّها
ألقى ما بيني وبينها دايماً ألف باب
عايشين علينا بيكدبوا بكل ضمير
في الكدب عاشوا وأخلصوا وبقوا يعني غير
إيه اللي بعد كل ده ممكن يصير
بعد أمّا تاه المظلومين في اللي ظلم
لمّا الجميع أخلّص في تمثيل البراءة
ظنّيت بجد بإني فعلاً متهم
لمّا لاقيت الكل لابس وش ملاك
شاكّيت بجد أكون أنا فعلاً شيطان
اللي بقى طيب قوي دايماً معاك
وهو أصلاً في الحقيقة مالوش أمان
وباقيت كتير أقعد مع نفسي وأفكّر
الناس دي جالها قلب يعني إزاي بتقدر
في كل مرة تحوّل الكدب لحقيقة
مش بس يعني كل ده ده أكيد فيه أكتر
عايشين علينا بيكدبوا بكل ضمير
في الكدب عاشوا وأخلصوا وبقوا يعني غير
إيه اللي بعد كل ده ممكن يصير
بعد أما تاه المظلومين في اللي ظلم
لما الجميع أخلّص في تمثيل البراءة
ظنّيت بجد بإني فعلاً مُتّهم
بقلمي عبدالحميد وهبه
ليست هناك تعليقات:
إرسال تعليق