(قصة حب فيسبُّوكّية)
قصة حب ماهيش ب عادية
مابتحصلش واحد في المية
قصة حب وبدأت بينّا
عبر الشبكة العنكبوتية
أصبح بينّا كلام وعهود
حُب أكيد غير المعهود
قصة حبّنا فيسبّوكّية
قصة حب ماهيش بعادية
قصة حب أكيد ده خيال
حاجه ماحدش يتوقعها
شئ مش يخطر يوم على بال
ولا يوم حد بجد سمعها
يوم ورا يوم نسأل نتطمن
لما الشوق م القلب إتمكّن
وإيجي الوقت بدأنا نعلن
عن مشاعر روحنا المخفية
قصة حب ماهيش بعادية
طول الليل بنكلّم بعض
وبنتحاكى بأحلى كلام
أنا أحكيلُه وهو يرد
وقت ماييجي النوم بنّام
قولنا كلام كل الحبّيبة
ولا حسّينا إنّها يوم عيبة
ناس بتشوفها حاجة غريبة
وناس بتشوف إنّها طبيعية
قصة حب ماهيش بعادية
مابتحصلش واحد في المية
بقلمي عبدالحميد وهبه
ليست هناك تعليقات:
إرسال تعليق