غزّة ما تذبل زهراتها
المحبة تِحيِي الروح
نسايم ربيع وصلاتها...
وأنت في الكنين مسموح
قطايف زهر ولفاتها
أالمحبّة ورداتها تفوح
في الغصرة وجايع هبّاتها
ريح تهبّ والصوت مبحوح
القمرة تزهّي نجماتها
كل طير ع الغصن ممنوح
نسايم صيف رجفاتها
دموع العين م الشفر تروح
والبسمة تخيّل لمساتها
غزّة زيتون ورجوح
عاشق والله وصلاتها
في محافل عرس تلوح
وتلمّوا الأحباب وضيفاتها
الوصل يعود مربوح
بشاير نغم صفاتها
والقلب ما يعود مذبوح
شفايف مودّة نبراتها
ما يكونش مسموم ملفوح
بالغدر وسكاكن وجعاتها
يا طير وصّل الشّوق ممدوح
من رقيق القلب طيباتها
قول للصغير المجروح
غزّة ... ماتذبل زهراتها
واللي عملو صهيون مفضوح
والعالم يشهد غزواتها
الشّهيد المسك منّو يفوح
في الجنّة يعيش نغماتها
الشاعرة حميدة بن ساسي
ليست هناك تعليقات:
إرسال تعليق