بنركب فيك يا دنيا
بنركب فيك يا دنيا ما دام
الحق والصبر موتد فيك يا بلد
والراية من بياض القلوب
ونقيف وسط الناس شمس
في كل خطوه
ناسس للنمل مملكه
لا طرشه ولا زفت عرس
ولا تاج على ملك وولد يرث
مملكه مشدودة بالقبلة والاجنحة
و في السماء سقف
تجمع في البطانة الاحاب
ابطال يوم الزحف
والروح لسيد الخلقه تمش
وفي بالنا الفتح الكبير
يوم الامة تبقي ثله ما تندرص
وكل فك يلزم الحدود ويتخرص
ما بنعاديك يا دنيا ولا عليك نحرص
نزرع الخير والحق والصبر نغرس
بنية من الاخلاص توحيد بالله
عباده تعرج للسماء
وتتبخر دموع امة في الخشوع
ونحصد ثمره
يوم نقيف علي الحدود
وقلاع العدو بينا وبينهم بحر
يزحف معانا ويرفع رجولنا
من الخطر
يهدي ويهدر بإذن الله
عشان ننتصر
ويبقي الوعد ميقات الله
بالحق والصبر في العصر
نستنا
رجوع اليمن والشام من ام القري
وعلى راس الامة قريش
يكتمل في الزمن داك عددنا
والعده
اللهم بالحق والصبر على راية التوحيد
اجمعنا ودم الشهادة للحور مهرنا
اللهم امين يارب العالمين
اللهم صلي وسلم وبارك على سيدنا
محمد وعلى آله وصحبه اجمعين
الطيب عثمان الطيب
ابو نبيلة
ليست هناك تعليقات:
إرسال تعليق