بياع بلف بلاد....
ولا حد نادانى....
لا عبيد ولا أسياد...
أصل الجميع جانى...
.....
وحنان من الغالى....
وحاجات تُسر القلب...
مين م الهموم خالى؟....
....
عندى كمان طيبة....
وسرور وحنية...
ما تخلى فيك عيبة....
وتّصفى فى النية....
.....
عندى يا عم ضمير...
فى الشر ما يهاود...
يمشى معاك ف الخير...
مش سلبى ومحايد....
....
تعالى نقّى وشوف....
مليش أنا ف الغش...
معرفش معنى الخوف...
والضهر زى الوش...
......
عندى دوا للغل...
والحقد اللى زاد....
خلى الكراهه تفل...
وينتهى الأوغاد...
......
محسوبة لو تفهم....
بس انت ناقصك دين...
لو ترضى راح تغنم...
ده الكل متساويين...
كلمات علاء محمود
ليست هناك تعليقات:
إرسال تعليق