عاوزيني أقول
مش محارب مش محارب
هما كدة عاوزيني أقول مش محارب ينبسطوا أوي لما يشوفوني فار تجارب
مش محارب كلمة تبسط كل العقارب.. عاوزني أسكت يجلدوني يقطعوني يفرقوني يركنوني في حتة ناشفة ولما أصرخ يكتموني يطلعوني ينزلوني والبغل فيهم شايب وعايب..
إيه مصيري سرقوا خيري ولما أطالب النطع منهم يبجح في وشي أحسنلك امشي ملكش نايب
جراد وجالنا دخل مجالنا.. هدم بيوتنا شرد عيالنا..
أدمهم أسود.. يخرب ويفسد.. الأرض أرضي وأنا كنت مرضي شاكر لربي بصلي فرضي .. طمعوا فيا وبأيد خفية شر البلية استباحوا عرضي
وسيف يا عربي من إمتى وأنت بعت القضية حاكم ولاكم.. قبضة غبية إبادة جاية.. فوضى ومحاكم والقاضي زاكم طباخ صنية.. كبر دماغه لأجل يخدوا الحتة الطرية ديابة بتنهش وديابة تانية تجري عليهم تطبع في ثانية.. لحمي غنيمة لابن البهيمة بيخزوقوني بيسلموني كداب يا عمي ما فيش قرابة ومش غرابة دلقتوا دمي عميت في عينك دول زحلقوني ووقعوني في ملعب صابوني خنزير وحامل شعار ماسوني.
مش محارب.. لأ محارب طوفاني يشهد إني محارب.. جبان اللي يحسب إني هارب لأ محارب
تعالى واسمع يا بارودي اشتد عودي اشهد عليا وشاهد بارودي إعصار يدمر حصن الكلاب.. بداية صعودي تنور خدودي القدس قدسي عمره ما غاب أفديه بروحي أفديه بنفسي والعزة غزة وانتقامي أحلى لذة علمي يرفرف فوق السحاب شمس طالعة وكتاب مطالعة هينشد معايا لحن الوفاء.. يا شهيد.. اليوم دا عيد.. رتل وعيد.. قرآنا الكريم.. اسجد لربك لأنه وهبك طريق الراشد والقلب الأبيض المستقيم.. والنصر دايما من رب العباد..
مش محارب لأ محارب وهفضل أحارب
// عبدالله النجار
ليست هناك تعليقات:
إرسال تعليق