( كفايه نظره من عنيها)
يااهل الهوي اسألوا الليل عن حالي
وإسألوا طيور السما والشجر في كل وادي
واسألوا الورد والزهور ع اللي جرالي
يمكن تعرفوا ايه من الحب تاني هيجرالي
ليلاتي سهران أنا وطيف حبيبتي والغرام واشواقي
بأحلم بدنيا جميله ويا حبيبه حلمت بيها من زمان
والعمر يبتدي معاها من الأول وياريته يطول أد ماكان
وعن هنايا في هوايا احكيها للعشاق قصص واغنيها موال
كل اللي فات من عمري كانت أيامه شجن وأنين
هنساها وابتدي عمري من تاني معاها أشواق وحنين
ونعيش ايامنا فرح وهنا واحلي غرام
واملك الدنيا بقربها انا وقلبي اللي حبها حب ولا في الأحلام
سلمت لها امري مادام حبها خلاني أسعد انسان
دي نظره عيونها الكحيله فيها كل الحب والحنان
وضحكتها الرقيقه بتخلي كل أيام الدنيا أعياد وأمان
افديها بعمري والعمر كله شويه عليها
ومادام معايا حبيبتي قلبي وروحي وعقلي ليها
وٱه لو تعرف حبي ليها قد إيه هتلاقيه مايتقدر
علشان حبي ليها ملوش حدود وفوق مايتصور
ومادام هواها جاني يبقي من قدري ونصيبي وفرحتي
وأطلب إيه تاني منك يادنيا وهي كل دنيتي
هفضل صاين ودادها العمر كله وبالهنا كله أوعدها
وكفايا نظره من عنيها توعدني بالحب وأصدقها
يابحر مليان حنيه وغرقت فيه لما حبيتها
عشقت روحها وجمالها وكفايه عليا حنيتها
خواطر ( اشرف الدغيدي )
حقوق الملكيه محفوظه
ليست هناك تعليقات:
إرسال تعليق