اختنقت الانفاس
"*"*"*"
القلب معبي مليان
مدردر مهموم
مافهمو وحسو وجعاتي
اما حسدوني على بسماتي
اللي هيا كنز حياتي
نمحي بيهم حزني واهاتي
كيف نتكلم
يضرب الكلام يصدع
في لجبال يزعزع يرجع بالتنهيدة
القلب مقهور زادت وجعاتو
ينزف مثل السماء المطارة
"*"*"*"
طول عمري واني في الهم نعاني
اعلاش يازمان اعلاش
في القلب غصة
وجيعة منها الحياة مرارت
قلت اليوم تتبدل احوالي
نزهى ويطرب بالي
ونعيش احلى ايامي
ونشوف الدنيا بوجه ثاني
*"*"*"
لاكن ياخصارة
الوقت عكسني
والزمن نخاني
خلاني في الهم نعاني
لا من سمعني
ولامن حس بدمعاتي
*"*"*"
سالو مثل الجمر على الخدين حيارة
يزي يا عيني ما بكيتي
و ذرفت الدمعات
قلبي مهموم حزين
اش يضمد اجراحه
*"*"*"
حليلي ما اصعب هالوقت ما مره
بسماتي في ثنايا العمر راحو
حياتي ظاعت مني
ماعاد ليها وجود
وصدري من الوجيعة مقسوم
*"*"*"
يادنيا قداش فيك غرايب
وقداش فيك عجايب
كل يوم نحمل ونعدي
ونقول اليوم خير
لاكن هاذا زهري التعب والشقى مكتوب
قمر النميري
ليست هناك تعليقات:
إرسال تعليق