قصيده بعنوان
(بتسألنى.؟!!)
كتبت إيه.
قولت ليها
بحاول أكتب.
عنك وعن
مشاكلى وعن
همومى.
وعن متاعبي
وعن كلام
مابعرفوش.
مابفهموش.
بحاول أظبك
كتابتى وأحط
ليها حبة روتوش.
ناس تقول بإنه
شعر وناس تانيه
مابعلقوش.
متكبرين متعجرفين
الله أعلم بالقلوب
المهم بحاول
أكتب وأفضفض
مع قلمى وورقتى
عن حياتى الصعبه
يمكن وعن غربه
كسرت لي
ضهرى وعن
حب ماحستوش.
عن حبيبة
جاره لي دارها
جنب دارى
وبابه لسه معلق
فى زهنى.
وجمالها مابنسهوش
عن قلبى وخفقانه
وعن عقلى وتوهانه
وعن حب
معاك مادقتهوش
بحاول أكتب
عن بلادى
وعن ظروفي
وأحيانا برسم
لي لوحة
فيها حلم
ماحلمتهوش.
كنت نفسى أكون
أديب أو عالم
أو حاجه ليها
قيمه مع ناس
ما بيحبطوش
لي إسم ولي
شارع وعنوان
وإيميل وقناة
على اليوتيوب
أزعق الكل يشاهد
المهم أبقى
زي كتير ملوا
بطونهم بالفلوس
وعن فقير
ما بيسألوش.
بحاول أكتب
عن دوله
محتله دوله
ورئيس بيقتل
فى شعبه.
وعن مشكلة
سد النهضه
وعن غلاء المعيشه
وعن فواتير
كهربا وغاز
ومايه مشكلتى
مش سياسى
أو أخاف أتكلم
وأكتب وأقول
عن أمور
مش لي فيها
عن مسؤول مرتشى
مثلا أو .
مش مناسب
فى مكانه.
لا فى ثانيه عنى
ما تسمعوش.
بتسألنى.
كتبت إيه.
النهارده كتبت
قصيده عنوانها
إنى بحبكم.
وبموت فيكم
وبعشق هواكم
مشكلتكم مابتقرأوش.
هاتعب نفسى
وأشغل لي
بالي وأنا لسه
زي ما أنا
محلك سر
الزمن راح وجه
وعقلي وروحى
وجسدى و قلبي
متحركوش.
غير شوية شعر
شايب وتجاعيد
الوش باينه
وجسم نحيل.
مكحكح بعد ما
كنت زي الوحوش.
وأهى دنيا
بتقلب فينا
وقطار العمر
أسرع من
الصوت بيدوي
مابنلحكوش.
وبتقول لي
كتبت إيه.
3/6/2021
ترنيمات وخواطر. بقلم)
خيرى حسنى...............)
ليست هناك تعليقات:
إرسال تعليق