امنيات عم فتحي
لمحمدمطر
عامية مصرية
سألت عمي فتحي إيه احلى الاماني قال لي عاوز أفطر حبتين فول مدمس هي دي أقصى الاماني
وكمان اتغدى حتتين لحمةفي الحلة بدمعةحمرة وشوية رز مفلفل من بتاع زمان وأعزم اي حد جاني
أنا مش عاوز شاوزمة ولا باتيه ولا برام حتى اورمه هي اللحمة بدمعة دي مكفياني
انا مش عاوز البتاع اللي بيقولوا عليه فليتو ولانيفة ولا حتى ريشة من كبش ضاني
هي ياعم اللحمة بقت بكام النهاردة
اصلي من زمان من زمان الميزانية عنها مبعداني
نفسي يكون عندي ديك يكركر لما الفجر يحضر ولوجاني ضيف ادبحه واحطه مكتف عالصواني
عاوز أحطب ومراتي تزرغت لما ابني يتجوز الحلوة بنت جارنا ويكون بالجوازة الاولاني
نفسي في حبايةغلة من صلب ضهر غيطنا ومتكونش جاية من عند اللي بيسموه مستر فولاني
وعاوز اشرب شوية ميه حلوة في قلة من بتاع زمان ومش عاوز من الدنيا حاجه تاني
عاوز لما اروح لجارنا يعزم علي بقلب
وملاقيش حالته زفت زيي وكمان عمال يعاني
نفسي لما أمشي في الشارع ارفع دماغي لفوق وكاني مش من الديانة ماشي جاني
ونفسي اسدد ديوني اللي مخلياني اطاطي راسي بين الناس لو مشيت لوشي مسوداني
وعاوز اروح اصلي وانا بالي مع الله ومش مشغول لما يرفع المؤذن ليه في صوت أداني
نفسي أكل نفسي اشبع نفسي ما أوفر لقمة لابني لان الأكلة دي مش
مكفياني
ونفسي لما اقف احاسب ما اعد فلوسي اصلي خارج وعامل حسابي ولقيت السعر تاني
ونفسي ونفسي ونفسي لكن الظرف الزفت مش هي اللي مخلياني
نفسي لما أمشي اعوج طاقيتي وأبين قصتي ويقولوا مش ده عمي فتحي المعجباني
نفسي اضحك نفسي اكرر لما مصلحي جارنا يقولي نكتة وتكون في ضحكي مسخسخاني
قلت له والله ياعم فتحي انازيك ظروفي هباب والحياة على نومي حتى مش مهنياني
سلام ياعم فتحي والزمن ياعم فتحي داس علينا هو اللي أندلس عليه يصحى تاني
سلام ياعم فتحي
محمد مطر
ليست هناك تعليقات:
إرسال تعليق