لسه بتحلم ؟؟؟؟
بقلم / يحيى المنياوي
لسه بتحلم
وحلمك سابق
كل الخطاوي
لسه جواك طموح
لسةجواك حكاوي
وبصوتك المنبوح
نفسك تبوح..
وقلبك المجروح
مين يطبطب..
مين يداوي
مين يرجع ضحكة صافية
فوق ملامح رسمها الزمن
خدود من ورد...
ودقات قلب..
وليل وقمر
وسهر وغناوي
لسه بتحلم...
رغم الظروف
وكلام تاه منه الحروف
رغم الصمت الرهيب..
وزحام وناس
الكل على الجرح داس
وأصحاب مش أصحاب
وأهل مش أهل
عشت بينهم غريب
فى زمن عجيب
لسة ناوي..
تسبق خطاوي الزمن
والخطوة تتقل على الطريق
ويتوه الحبيب ويتوه الصديق
لسة ناوي..
تصدق وشوش مليان غش
لسة بتحلم تبني فى السما عش
تطير وتغني زي الطيور
جناح حب وجناح فرح
وقلب بالخير مليان طرح
وحصاد محبة
فى دنيا أساسها هش
وقلوب بتظلم
لسه بتحلم؟؟؟؟؟؟؟؟
لسه بتحلم؟؟؟؟
_______________
ليست هناك تعليقات:
إرسال تعليق