((نا نشكّ الّي أنتم عرب ))
و مازلتو تتباهو
الّي انتم عرب
مكبوب سعدكم
شويّة فيكم
قدّ ما نزيد نسبّ
كليتونا بالهفّ
و خلّيتونا
في آخر الصفّ
كعاليف كربّ
بلا شرفّ
و مازلتو تتباهو
الّي أنتم عربّ
في بعضكم
بونيتكم تسفّ
و على عدوّكم
كارتون سعف
تو كولو
لعلف ضلفّ
و مازلتو تتباهو
الّي أنتم عرب
هديتو لعدوّ
كل الّي يحبّ قفف
و احنا بَضوعه
و لو كان سلفّ
نردّوه
من غير كْلفّ
و لو كان تْلفّ
تشدّ بو فرده
و لا عين تْرٍفّ
و مازلتو تتباهو
الّي أنتم عرب
نا نشكّ
الّي عندكم قلب
و لا يهمكم عروستكم
تنداس تتغصب
و لا يهمكم أهلكم
تتضرب تتصلب
بيوتهم عليهم تتهدّ
و لا يهمكم صغارهم
تتحرق تتصهدّ
و لا فيكم واحد
من روحو فدّ
على الطاوله ضرب
و لا قال
نا مُستعدّ ،لعدوّ نصدّ
نموت
و لا يشنقني الربّ
على جالك يا غ.زّ.ة
ساف نطير سبق
و لا نسلّم في هذا الحبّ
ابن الخضراء
الاستاذ داود بوحوش
الجمهورية التونسية
ليست هناك تعليقات:
إرسال تعليق