الليل
****
لسه الليل في أوله
ولسه فيه كلام كتير هنكمله
مستعجل ليه قولي وراك إيه
لسه الليل في اوله
لسه الليل قدامنا طويل
ياريت يا حبيبي ماتسبنيش
لساعات الليل تسقيني الويل
من غيرك الوقت مابيرحمنيش
لو كان بأيدي لليل يا سيدي
ما اخلي نهار يتمدله
من غير عيونك يا حبيبي
صعب الليل استحمله
لسه الليل في اوله
هات قلبك جنب قلبي
هات ايدك جنب ايدي
يا حبيبي وأنت جنبي
بيزيد جوايا تغريدي
للدنيا وللحياه للفرحه وحتى الآه
وكل شيء يا حبيبي باشوفه يا محلاه
من غير عيونك يا حبيبي
صعب الليل استحمله
لسه الليل في اوله
في الليل لقانا وسعدنا
فيه بيكبر حبنا
ويا قمره تضمنا
ويا نجمه ترقص لنا
وكل الكون يا حبيبي بينادينا نجمله
لو كان بأيدي لليل يا سيدي
ما اخلي نهار يتمدله
من غير عيونك يا حبيبي
صعب الليل استحمله
لسه الليل في اوله
الشاعر السيد حسن....
ليست هناك تعليقات:
إرسال تعليق