(مصر ياأمه)
مصر ياأمه ياحقيقة
رافعة راسك من بعيد
والراية دايما علية
يللى حبى ليك يزيد
غصب عنى ده أكيد
لو أغيب عنك شوية
مصر ياأمه يا حضن دافي
والضمير فى الأهل وافى
فى الشوارع فى الحوارى
فى النجوع أو فى المدينة
ميشلوش أبدا ضغينة
مهما زعلوا القلب صافى
مصر ياأمه يا عدالة
بين ولادك فيه عدالة
منا اللى فى الكنايس
منا اللى فى الجوامع
وأمه تبقى فى يوم بعافية
تنقسم بينا المواجع
مصر ياأمه يا عظيمة
فى المحن دايما كريمة
للجيران أو للأرايب
عندك انت ألف واجب
تدى وتقولى هدية
تدى وأديكى سخية
ممكن أصاحب ممكن أفارق
ممكن أغضب وأصبح رايق
لكن منك عمرى ما ازعل
إصحاب وحبايب وشقايق
ممكن افرح ممكن أأسى
ممكن أحب وأصبح ناسى
لكن حبك أنت يا مصر
متربع فى القلب وراسى
بقلمي : احمد عيسى
ليست هناك تعليقات:
إرسال تعليق