شباب بيدمن
ياحسرتي
على شباب
بيدمن وبتوجع
شباب ضايع
بيشم وده
يشد وده يبلبع
يابني سموم
جواك اذية
بتتراكم وتتجمع
زهرة شبابك
هتدبل وبكره
تتالم وتتوجع
العمر قدامك
ليه تهدرة
بالكيف وتتسرع
بصرخ بعلو
الصوت عايز
صرختي تسمع
يا حكومة
اصحي وفوقي
بلدنا بتتوجع
سايبين
تجار السموم
مطلوقة و بتبرطع
مشاهير
معروفين
واسماء طبل ومسمع
لابوليس
قادر يسيطر
ولا قانون يردع
جريمة
يوميا أكبر من
اللي قبلها وافظع
سرقة
وأغتصاب وأختطاف
الناس بتتروع
وللاباء
الولاد مسئولية
لا نطبطب ولاندلع
عينينا
دايماعليهم تراقب
والودان تسمع
قبل مانخسر ولادنا
ونتندم
و نتالم
ونتوجع
الشاعر/عبد المنعم حمدى رضوان
ليست هناك تعليقات:
إرسال تعليق