حوار مع ذاتي
محمد ضباشه
♡ قالت خلاص
ما العمر راح
مش باقى غير حبة ورق
متكومين فوق الرفوف
الحبر منهم اندلق
على نَفَسْ خارج يدوب
من كرشته يعلن حياة
وفى كل ميادين الغرق
قدف غرق
يعنى وقصرة فى الكلام
العمر منك إتسرق
♕ فقلت مستنى الأمل
يجى يخبط ع البيبان
يلمح حروف متعشمه
يصحى الربيع قبل الآوان
والقى فى قلبى زهرت
شمس الحقيقة المؤمنة
بكل حرف انكتب
فى قلب متدفى بحنان
ترجع حياتى شقشقة
وفى عتمة الليل الحزين
تظهر تبان
♡ قالت تبان من غير تمن
من أمتى عمرك يؤتمن
عشان تحقق مطلبك
من غير أدان
يا عم فوق
واركب جنية المسخرة
يمكن تدوق
ولو جناح من لحمها
أو نظرة حلوة لخصرها
أو حتى تعرف سرها
تاخدك برقصة فى حضنها
ترجع شباب
تلقى الحياة بعد الغياب
مفتوحة لك من ألف باب
♕ فقلت لأ عن جد لأ
يا ذاتى عنى اخمدي
كفاية منى بتهربي
وتعكرى صفو الحياة
إن كات حياة صابها العفن
يبقى الكفن طوق النجاة
خلينى عايش بالرضا
ما أنحنى ذل لجاه
ولا أطاطى لمركبة
عايمة على موج الحِوَاه
زى القرود يتنططوا
فوق الشجر ياكلوا الثمر
وان كان فُتَاتِي ما اختمر
بكره على ضوء القمر
ألقى شموسهم يطلعوا
ويرجعوا العمر اللى تاه
ليست هناك تعليقات:
إرسال تعليق