*** الحل في "دكتاتورية انقاذ الارواح" ***
**********************************************
نحن خسرنا المعركة ضد الكورونا حكومة وشعبا،في ظل وضع سياسي يعيش على هامش القضايا الحقيقية للبلاد،كلام على كلام على كلام...اجراءات ضئيلة وفقيرة،امتثالية المواطن مستحيلة،،امكانيات معدومة،ارواح تزهق بين انتظار واستهتار يعمل العار..! الى اين نمضي دولة ضعيفة عاجزة تتفرج احيانا ..سياسة غير مجدية تقوم على التمني الأبله،وهواية التشخيص والتشخيص والتشخيص دون اقتراح حلول واقعية وضمن فهلوة سياسية سيرك ديمقراطية تخريبية مدمرة...دون قرارات حقيقية فعلية واقعية...إلى اين نمضي....الحل واضح عندك شعب لن ينجح معه الحجر الصحي لا الموجه ولا الشامل ولن ينجح لن ينجح ابدا ابدا كفوا عن الاوهام الشعب لا يثق في الحكومة ولا الحكام شعب غاضب،يائس أحيانا، ساخر احيانا،، انتحاري،، مستهتر يدور وجهه عريان و"معمّل على ربي يشفيه..!!!"حالة انفلات وعصيان وتمرّد حتى على الموت نفسه..!!! ثقافة الانضباط المواطني معدومة في تونس لا تتجاوز 10 في المائة في أحسن الحالات وهذا لا يحتاج لذكاء كبير جولة صغيرة في الاحياء الشعبية تفهم طبيعة شعبك وانه مستحيل تطبق عليه القانون حتى لو عملت على كل مواطن بوليس وزيد في ظل عجز أجهزة الدولة وامكانياتها الحالية وضعف السيطرة على الشارع عموما الّي عنده تراكم تاريخي وثقافي.... من الاخير الأخير...الحل العاجل والنهائي أمام حالة الموت المستفحل المتوحش والمستعجل والذي لا يرحم في كلمتين لازم نجيبو التلقيح بأي ثمن وعلى حساب أي شيء آخر...المطلوب 10ملاين جرعة في ظرف شهر او اقل يوصلوا...لازمهم الدولة توفرهم بالطرق الرسمية وبالديبلوماسية أولا(اتصالات على مستوى الرئاسة والخارجية والحكومة بجميع الدول والمنظمات العالمية )ومن ناحية اخرى مسالك غير رسمية (للضرورة) شخصيات اقتصادية نافذة في تونس والخارج، وحتى كناطرية - مهربين....(الدولة والشعب في حالة حياة او موت الآن) لازم تستنفذ جميع الوسائل. وتغيير طريقة عمل التلاقيح بتسخير مدارس- دور ثقافة- صيدليات-خيام صحية في الاسواق- والبطاحي (زنقة زنقة دار دار خلي العمدة يخدم خدمته)وحتى في الارياف والمناطق النائية وجعل التلقيح اجباري على كل مواطن ومعاقبة كل من يرفض التلقيح بخطية....
لازمنا باختصار برشة كبس وبرشه "رجولية" للدولة والحكام وقوة سلطة في الانقاذ. ولو بسلطة القوة.....(م.و)
منير وسلاتي
ليست هناك تعليقات:
إرسال تعليق