............ إرحل .............
إرحل خلاص مفيش حل
حياتك معايا ملهاش ضل
قطعت كل حبال الأمل
الحروف حزينه فى أى معنى
وعاشت معانا كل كلمه
وشافت ملامحنا لما توهنا
لما النهار إنقلب ضلمه
من بعد سنين عشرة العمر
إرحل خلاص مفيش حل
غلبتنى معاك فى كل مره
إشتكيتك لما لقيت قلبى مل
وإنت ما بتصونش العشره
وضيعت عمرى معاك فى ذل
والدنيا الحلوه بشوفها مره
إرحل خلاص مفيش حل
رووح لحالك خلصت الحكايه
ومش ح قبل منك أى حوار
انت بعمايلك وضعت النهاية
وقد ايه حذرتك من القرار
خلاص خلاص إتملت الكوبايه
وطفحت كل إللى فيها مرار
وعمر الندم ما ح يرجع البداية
ولا ح يخلى غروب الشمس نهار
........................................
.......... حسن الشوان ............
ليست هناك تعليقات:
إرسال تعليق