فاسدون
جزء ثانى عشر
عمي أمين قرر فى الحال
وبمناسبة شهر رمضان
إن يصوم عن أى كلام
عمي أمين كانسلها كمان
مش ح يروح على أى عزومه
ولا ح نشوف ليه حتى صوره
ولا ح يوقع أى قرار
إلا قرار واحد فى الحال
إن يغموا عين العصفوره
عمي أمين غرد تغريده
للعصفوره بنت حميده
إزيك كيف الأحوال
وبعوده الأيام يا هيام
أنا واعدك بمدير عام
بس كتيرو يخلص رمضان
العصفوره بنت الإيه
فهمت عمي أمين عايز إيه
نادهت على كل العصافير
فضحت موال عمي أمين
أه يابلدنا يابنت الإيه
كل أمين فيكي بيعمل إيه
شعر
على ابو السعود
ليست هناك تعليقات:
إرسال تعليق