(ياأُم العيون شطين )
الله علي عيونك لما تطلي بنظره عليا
واشوف فيهم الحب كله والحنيه
وانسي اي دمعة حزن بكيتها من عنيا
واحس بالفرحه بترقص في قلبي وتنادي عليا
واشوف الدنيا بساتين زهور وطيور بتغني حوليا
وعرفت خلاص طريقي اللي هيوديني للهنا
والناس شايفها بعيني حبايب ومن أهلنا
دي البصه في عيونك حبيبتي فرحتها فرحة سنه
ولمسة ايديكي فيها سر يرد الروح
وكلمة حنيه منك تداوي كل الجروح
ولو حبيت اوصف جمالك هفضل سنين أبوح
سنين راحت وسنين بتروح وسنين لسه هتروح
وانا وطيفك حبيبتي سهاري وخيالنا للقمر بيروح
مستنيكي تجيني ونعيش اللي باقي من عمرنا
وقلوبنا وارواحنا هما اللي هيتولوا أمرنا
يا اعز حبيبه في الدنيا وأقرب من نن عيني ليا
ياساكنه في قلبي وراسم قدامي ملامحك
سرقتي النوم بنظره.منك وتوهتي عقلي الله يسامحك
ياأم عيون شطين وفيهم من الغرام بحرين
موجهم عالي ومش عارف هيوديني لفين
وياهل تري مراسيلي واشواقي بتوصلك
وعن بعدي عنك ياحبيبتي ياهل تري بتعوضك
خواطر ( أشرف الدغيدي)
حقوق الملكيه محفوظه
ليست هناك تعليقات:
إرسال تعليق