محدش شاف وطن بقلم / صالح منصور

 محدش شاف وطن

بقلم / صالح منصور

يا ولاد الحلال..

محدش شاف وطن..

قبل منام كنت سيبه في امان..

كان الجار فيه عم ولا خال..

كان الصاحب فية زين الرجال..

كان العلم فيه قليل..

بس الاخلاق كنت كتير..

علمونا في الوطن..

ان الصغير يحترم الكبير..

وان الغنى يعطف تملى على الفقير..

علمونى لما اكلم عمتى او جارتى اوخالتى

او بناتهم كلهم..

عين تبقي جنب رجلى علشان مشفش وشهم..

علمونا يعنى ايه العيب..

يعنى ايه حلال وحرام..

يعنى ايه عرض الرجال..

بس صحيت مقلتش الوطن..

المكان شكل المكان..

الزمان نفس الزمان..

اللى اتغير الانسان..

اه.. ناس كتير معظمهم مش بنى ادمين..

صغار ملين الشوارع..

حافين وجعانين.. شكلهم مساكين

بس صوتهم ليه عالى.. كل كلمهم سب دين

دول مين.. فين ابوهم.. وامهم

طب خالتهم.. عمهم..

محدش شاف الوطن.. ؟؟

غريب بدور عن بيوت...

لا مش زى البيوت...

بيوت دفاها حضن اب.. وام

بيوت ترابها صدر ام..

بيوت حطانها امان..

بيوت فيها طبليت زمان..

بيوت لسه مدخلهاش نت

ولا راجل يبقي ست..

ولا ست تشقى تبقى راجل..

ولا لا مبالاة مسيطرة..

والرزيله تبقي هى الفاضله..

والاخلاق تبقي عالة معطلة..

مش عايز حريه.. ورجعولى الوطن..

مش عايز مدنيه.. ورجعولى الوطن..

مش عايز اطلع قمر.. ولا مية قناة وياى قمر

انا عايز وطن... باخلاق الوطن

اللى نامت.. سيبه

وصحيت ادور.. هو فين الوطن

يا ولاد الحلال....

محدش شاف... وطن.. ؟

                      صالح منصور