لسه عنيها/كلماتى علاء محمود

 ...

لسه عنيها....

لسه عنيها فيها اللهفة...

لهفة أول مرة شافتنى...

كنت بعينى وقلبى شايفها...

بعد ما داب قلبى وحبّتنى...

.....

كنت بَفَكر إن بعادنا...

دوّب كل الشوق ونسينا...

أول نظرة بعد فراقنا...

راحت قسوتنا وحنينا...

....

عمر ما غابت يوم عن بالى...

ولا حبيت ف حياتى غيرها...

كنت أنا حالها وكانت حالى...

رغم البعد كنت أسيرها...

....

كل ما تطلع شمس أناديها...

وأحكى لقمر الليل حكايتنا...

جوه ف قلبى انا مخبيها...

ياما رسمنا حياتنا وبيتنا...

.....

لكن الأقدار مش ديما...

ترضى باللى جوه قلوبنا...

بتجمعنا وتفرقنا ...

لو كان ليها قلب تسبنا...

.....

بس هيفضل جوه قلوبنا...

نفس اللهفة للغايبين...

مهما فارقنا ومهما بعدنا....

نتظاهر أننا ناسين...

كلماتى علاء محمود