أه ياقلبيورحت أطلب إيد
بنت شفتها من بعيد
دخلت بيت أبوها
وقلت الله يزيد ويزيد
غني وكل يوم يعدي عليه عيد
وأول الكلام سلام وترحيب
وقالي خش في المفيد
إنت ليه هنا جيت
ياعمي
علشان أطلب إيد بنتك
إللي خطفت قلبي من بعيد
ومشيت وراها لحد البيت
وكان رده إنت مين وعندك إيه
ومن غير متعيد وتزيد
ياعمي
أنا متعلم ومتربي
بس حالي علي قد الإيد
غضب وعالي صوته وقال
كان لازم تسأل من بعيد
ومكنتش للبيت جيت
عارف إنت فين
وقدام مين
طاب أبوك في البلد
يبقي إيه
وإنت عندك كام
وفي جيبك قديه
ياعمي مش كل حاجه فلوس
يإبني إللي قلك كده
معندوش فقير ومتعوس
ياعمي الحياه حب بالمال متحسبهاش
ياواد العلم والاخلاق
في الدنيا دي ميسواش
وبنات للزواج
معندناش
دور علي بت
جيوب أبوها مفيهاش
كملو عشاكم نوم
حبو بعض ببلاش
خد نصيحه
علشان إنت فقير
وفي نظري متسواش
عيشتك متناسبناش
إتعلم تسأل من بعيد
ووري قلبك متمشيش
أنا لو تبعتك يبقي
بعت بنتي ببلاش
وإنت عارف
جيوبك مفيهاش
خلص الكلام
دور علي إللي قدك
علشان تعرف تنام
حتي لو إتبعت تتباع ببلاش
صموئيل فايق
ليست هناك تعليقات:
إرسال تعليق