،،،،،،،،،،، ( كنت بحاول ) ،،،،،،،،،،
كنت بحاول أهرب منه
ومن أيامه ومن لياليه
ألقى عنيه وقلبى وروحى
وكل مشاعري دايبين فيه
وفرحة عمرى يشاوروا عليه
حاولت أنسى كثير مقدرتش
غصب عنى ومش باادية
كل ماحس بنبض ألاقيه
وأرجع ثانى واعاند نفسى
واوهم نفسى بأنى ناسيه
ألقاه سايب ألف حكاية
بينى وبينه تشدنى ليه
قلت يارتنى ماكنت عشقته
ولا كنت قابلته ولا عرفته
ولا خلانى أعيش الحب
بكل عذابه وطول لياليه
كنت بحاول أهرب منه
ومن أيامه ومن لياليه
فجأة لقتنى قدام منه
عينى فى عينه وبحضن فيه
،،،،،،، بقلمى/ الشاعر على السعداوى
ليست هناك تعليقات:
إرسال تعليق