تونسية شامخة
خشمي في التراب ما انحطه
رباني راجل قوي وصنديد
يابنيتي
راسك ما اتهبطه حتى آلخوك لحنين
نحبك يا بنيتي شامخة ومقدية
وضحكتك نحب نسمعها آدووي
ادداوي جروحي وانقول والله بنتي اهنية
تغزلت بيك وانت طفلة وصبية
وكنت ديما نراقب فيك
والعمر غدر وأجرى بيا
عشنا الحياة بمرها وحلووها
واليوم على دنيتك رحلت
وأنت فييا تعيشي
دعواتك يا بنيتي في نومتي
آددفيني وخزرتك ليا النور
وألضياء لعيوني
كنت اناديك وتسمعيني
وتو صوت جوابك ،إصداه فييا
ايدوي
برب يا بنيتي زيد إدعي ليا
وقول بابا الغالي
إللي كان إمدللني
اليوم راح عليا
ودنيتي مخيبها ،فرغت
ما عاد ،حد يقول
ا بنيتي
غريبة بين ناس ما تعرفهم
وسنين عمري بينهم
امشات ضحية...
متصدقيش يا بنتي
البو ،يخلي بنيته
أنا روحي فيك تنادي
تقلي مشتاق ليك آدهور
ودمعتك كي تنزل على خدودك سككابة
النار ،تشعل فييا
واناديلك بجوارحي
ومتأكد إللي إنت
تسمع فيا ...
وصوتك أنغام تقول عجاجه
آيلفني في الحين وإيطير بييا
ما ،اتقول ،بابا ابرد
وليل الشتاء
قاسي عليه
خيالك ك يحوم
ندفأ،وانقول:
والله جبت بنية
في قلبها زرعتني
حورية
وبالدمع تسقي فييا
وقداش اتمننيت نحضنك
يا بنيتي
بابا الغالي
روحك ك تزورني ما اتشاورشي
تقفز من عمق القلب العينيا
توحشتك وحر الشوق قاتل
وجميع الثنايا انعببدها
نرجعها طريق واحد
كان أنت ترجع ليا
ما عاد عندي بابا نفزع او نمشيله
وحتى لمميما ،راحت
واختارت ترقد جنبك
وأنا كيف الطفل
الي فاقد رضعت أمه
توحشت ريحتك ،صوتك
وحتى طابع رجلك
و صورة خيالك
زعم على الطريق انطبعت ؟
نحس الدنيا دارت بيا
والدمع انزل سواقي
ولا من حاسس بيا
يا ريت ...
بابا ترجع ليا
حتى ثواني ،كاذبة
وانشوفك ،ونسمع صوتك
وتقلي :
يا بنتي
قداش كنت انحبك
وقداش جنابي باردة في ابعادك
بقلم نعيمة مناعي
ليست هناك تعليقات:
إرسال تعليق