اوشوش الودع
شافتنى ماشى لوحدى
ندهت عليه وقالت
انا عليك بمسى
ماشى لوحدك ليه ياجدع
امسك وشوش الودع
سمعت كلامها
قعدت قدامها
بصت لى وقالت
قلبك مليان وجع
مالك ياجدع
فضفض وقول
ٱحكى الودع
قلت..
دنا شاعر
وبالكلام شاعر
قلمى من كتر الالم
سنه انكسر
حروفى من كتر خوفى
صرخت وبكت
سطورى منى اشتكت
كان ليه حبيب وراح
ببكى عليه
مسا وصباح
بسهر الليل اناجيه ويا القمر
قلبى من كتر الحزن انفطر
دموعى بحور
قلبى صبح مهجور
قالت...
ياعينى عليك
صرخ الودع
من كتر الوجع
نبيل المصرى
ليست هناك تعليقات:
إرسال تعليق