( هشكيك لأهل الهوي )
ياما ظلمني واسامحه.
ويصعب عليا منه واعاتبه
ولما هجرني فكرته بعهده
بكيت وشكيت وحنيه مالقيت
راعيت وده ومنه ماحسيت
يا اهل الهوي يرضيكم عمايله
يقسي عليا وارجع احايله
ياريت كان بإيدي انسي حبه
كنت غصب عني استغني عنه
رغم اللي.عمله .فيا
واللي دوقته من قسيه
كنت اقابله بكل طيبة وحنيه
و كنت ابكي ويصعب عليا
وافضل بيني وبين نفسي ودمع عنيا
اسهر والوم نفسي واعاتب الدنيا
ازاي احبه ويعمل كده فيا
اتمني قربه يلوعني.ويسهرني
والليل كله طيفه يشغلني
ولما تعبني يا اهل الهوي هواه
كنت اقول لقلبي تعالي ننساه
ارحع احنله من تاني واستناه
والقاه ناسيني ومش فارقه معاه
لا حاسس باشواقي ولا فاكر غرآمي
بعد ما سرق مني احلي ايامي
عيشني ما بين احزاني والامي
ودنيتي اللي كانت جميله قبل خصامه
ونظره عيونه الكحيله وانا باسمع كلامه
حرمني منه ومن حتي سلامه
وتوهت عن سكتي واتحملت غلطتي
واخترت ابعد واكمل حياتي في وحدتي
أرحم من ظلمه ليا وجفاه
واهون من مصيري لو فضلت معآه
ياللي هان عليك ظلم حبايبك
وبعد ماحبيتك اتغيرت كل عوايدك
هشكيك لأهل الهوي واحكيلهم حكايتك
خواطر ....( أشرف الدغيدي )
حقوق الملكية محفوظه
ليست هناك تعليقات:
إرسال تعليق