بالحرف كتبت حكايتها
محلاها محبتنا لا ثمة شئ يكدرهــــــــــا
بنية مسرارة محبوبة عيني شبحتهــــــــا
روحي طارت من الاول زادت عشقتهـــــا
مدة وسنين في لحظة شبحت صورتهــــا
متبدل شي هذيكا هي وهرتهــــــــــــــا
مقدودة عودة خير يكركر في جرتهـــــــــا
سعد قائـــــــــم يارب بارك بركتهـــــــــــا
يعجبني شعرها كــــي تدربي قصتهــــا
خناجر ترمي منصة هي عوينتهــــــــــــا
خـد زاهي ملون احمر كشفتهـــــــــــــــا
قد وقامة بابور يشقلب موجتــــــــــــها
زين روامة بدوية هي نسبتـــــــــــــــتها
احلي ما ثمة حبوبي كلمة حبتهــــــــــــا
نوصف ونفصل رسام نخرج صورتهــــا
مجنون وهائم نستني راني لمتهــــــــــا
مهبولة هي يارب نتتم رغبتهــــــــــــــا
نسميها عمري في قلبي راسم شامتهـــا
ودتني غمرتني قوت في محبتهــــــــــا
نبرة تجنني كيفاش روحي ملكتهــــــــا
محلاها محبتنا لا ثمة شي يكدرهـــــــا
زوز ارواح الاقدار هي جمعتهـــــــــــــا
نعيشو القصة من الاول تبدا حكايتهـــا
النبتة ثمرت من الارض فاحت ريحتهـا
مثل الزيتونة في العالم فاتت شهرتها
العلم تعلت قرت وعلت في رتبتهــــــا
مزالت طفلة هالعشقة اول خطوتهــــا
تعطي وتوفي غمرتني بكثر محبتهـــــا
الحبر تفيا أشعاري بالحب كستهــــــــا
دين نخلص كيفاش نرد مزيتهــــــــــــا
نوعد ونتمم نقسم بمكة ومعزتهـــــــــا
لا نسلم فيها كل يوم تزيد محبتهــــــا
تحلي الدنيا تزهي تضوي كـي نجمتها
نــــــــهار سعيد اول ما نسمع رنتهــــا
ع الحب جديد مـولود راني ساعتهــا
بـدت تخبرني كيفاش الحلمة شافتهـا
قسمت بالله بالحـــرف ليا قالتهـــــــا
جنينة خضراء بالسر الزاهي ســحرتها
من حيني مشيت طـحت دايخ حملتها
نظري هزيت ع الخد نــــــزلت دمعتهــا
احلي ما لقيت تمنيت الـــــدنيا جابتهـا
من العشق رويت طعمت لذة بنتـــــهــا
سواري عليت بالقلب والله مسكنــــهــا
هاني حبيت قصة ما الماضي فاقدهــا
لقلوب تلمت صـدفة الاقدار جمعــتهــا
شريف بن محمود العرفاوي
ليست هناك تعليقات:
إرسال تعليق