. عنا الشمس
بألمانيا الشمس بتتخبا
مابعرف وين
بالصيف البرد يرجع
وكأنه'و، بتشرين
المطر في عز الصيفية
عجب العجاب
خايف اطلع من بيتي
تمطر تخمين
بصدد الشمس بتسطع
افتحوا البواب
نسيم ها الليل مندي
و الجو يلين
السهرة بضيعتنا حلوة
برجوع الغياب
الكاس يدق بالكاس
بمحبة السهرانين
صبية لبست فستانا
خطفت الألباب
الله وقت خلقها اتأنى
بتصويرا أبدع تكوين
شفت الروج ع الشفة
أحمر عناب
ورد من خدودا زهر
تا يكمل تلوين
بشفافا كنزت خمرة
شهد الرضاب
روتني من اللمى خمرة
ذقت السكرين
لمّا بتنادي بإسمي
يزيد العذاب
سنانها يا شبه اللولو
ب صف وصفين
أخذت روحي والقلب
بلحظة ذاب
عقلي بيعزف موسيقى
ويكثر تلحين
عمر الخمسين رميتو
رجعت ل شباب
ذكرتني بسنين الماضي
وعمر العشرين
لمسة يدها وبالرقة
تزيد اللهاب
الدم بشرياني يغلي
تعب الوتين
بعدما زهر بستانا
فواكي ل طياب
شهتني ذوق الكرزة
من كروم التين
متأني يثقل راسها
بفعل الشراب
تغفى ع زندي ويوعى
جوز حساسين
..غانم ع الخوري ..
ليست هناك تعليقات:
إرسال تعليق