بقلمي: يوسف ونيس مجلع – مصر
أصدقائي الأحباء، كل سنة وأنتم طيبين جميعًا بمناسبة رأس السنة القبطية
وبهذه المناسبة، كلمة بالعامية بعنوان: "تاريخ الحب"
يا سنة يا قبطية ----------- يا تاريخ حبٍّ مجيد
يا سنة يا نجمية --------- ودقيقة في المواعيد
يا حكاية حب قوية --------- كل يوم فيكي عيد
ذِكرى لتضحية ----------- يا ذِكرى لفرح شهيد
أبطال في المسيحية ------ في القديم والجديد
حبهم في الأبدية -------- غلب العذاب الشديد
لا هزمتهم الوحشية ------- ولا النار، ولا الحديد
ولا الحروب النفسية --------- بالتهديد والوعيد
حتى في زيوت مغلية ------ إيمانهم كان بيزيد
قدموا الروح هدية ------ في التسبيح والتمجيد
رسموا نهج عبادة –-- مش بس الموت الشهادة
دي حياة بإرادة ------ للروح على الجسد سيادة
واللي سهرانين الليل –- بالزيت ماليين القناديل
دول برضو ليهم أَكاليل –--- زي أَكاليل الشهادة
واستثمار خير الوزنات –--- بالربح في الحسنات
بالحب وإنكار الذات ---- دي كمان تبقى شهادة
النفس مِثيلة المجدلية – من القلب تبيع الخطيّة
وبالحب تطيع الوصيّة --- دي ليها أعظم شهادة
سابولنا الإيمان ينبوع ---- ولنفوسنا دِفّة وقلوع
يعلمنا عشرة يسوع ------- سُكّرها حلاوته زيادة
بقلم يوسف ونيس مجلع --- مصر
ليست هناك تعليقات:
إرسال تعليق