أه يابلد
ياشلة الأونس والفرفشه
والهرش والمرش والنعنشه
والجوزه والموزه والنغبشه
والكاس وراه الكاس ماتستناش
عشان مصحاش مش عاوز أصحى
وضميرى يحتاس وأنداس
أكتر ما أنا منداس
عايشين على دم الغلابه
غلابه الناس
على الغلبان دايما يدور الكاس
مايتهناش عرق الغلابه مباح
عرق الغلابه
طياره وصفرايه وسافريايه
عرق الغلابه جاى
بسلاح وعصايه وكرباك وجلاد
بيها الغلابه تعرق عرق
ومن العرق تتولد أرباح فلوس كتير
تدخل جيوب الشله تملا كروش كانت قله
خرجت عن المله
ما يهمها إن كان دا حلال ولا حرام
وأه يا يوم القيامه يوم الغلابه والديابه
ظالم ومظلوم والحق ما بنهم
واقف أنا مرتاح وأنت يا ويلك منهم
مستنيانى الجنه ربي وعد بيها
فى النار ياظالم إنت ح تتقله
شعر
على ابو السعود
ليست هناك تعليقات:
إرسال تعليق