الصحاب
الصحاب صحاب
عٍيرة وشهم مكشوف
عن العيب والغلط ما بيبعدوش
مافيش عندهم دم ولايختشوش
ما يفلحوش يابني غير في أزاك
على الغلط يزق فيك على شيء ماتعرفوش
وإن جيت فمرة بيه تستنجد تلقاه
لبعيد هرب ومشي سيبك
وسط الهلاك وحدك تبوش
أصله صاحب عرة خاين
في المجدعة ملوش
ولو كان يستاهل تفدية بعمرك
كنت اقولك اديلو عمرك عن طيب خاطر
فيه ماتستخصروش
لكن يابني دول ناكرين جمايل مايستهلوش
خسارة فيهم إنك ليهم في يوم تصاحب وتآمن
عشان دول يابني فيهم الخسيس
والجبان وقليل الأصل مايتعشروش
ولو جيت يابني لحد فيهم عشان
وقت الجد اللي بصحيح يقف جنبك
ماتلاقهوش
فاسمع نصيحة أبوك يا ابني
وابعد عن كل الأشكال الضالة
اللي ملهمش ٣٠٠٠٠٠ لزمة
للخير مابيصفوش
صحبتهم تقل منك قدامك بكلام
ومن وراك بكلام
عاملين فيها مصابيح بتنور
وهما لك مابي حبوش
في سيرتك بيجيبوا مابطلوش
كلام عمال على بطال قالوا
كل اللي نفسهم فيه عليك
لكلامهم ما يحسوش
في أذيتك يجروا مايتوصوش
فين زمان زمن الصحاب اللي بجد
صاحب صاحبة جدع بصحيح ليك سند
زي الوتد واقف معاك يسند
في ضهرك على طول اكتر من أخوك
اللي خلفته أمك و ابن أبوك
ماعدش صاحب يا صاحب ولاعاد زمنه
كله بتاع مصلحته والمصالح
مع بعضها تصاحب تغوص
وكلة تمنه معروف وسعته فلوس
بقلم عبد المنعم مرعي
ليست هناك تعليقات:
إرسال تعليق